VK | |
---|---|
![]() | |
URL | vk |
Soort webwerf | Sosiale netwerk |
Registrasie | Benodig |
Beskikbare tale | Russies, Engels e.a. |
Eienaar | Vkontakte Bpk. |
Geskep deur | Pawel Doerof |
Gelanseer | 10 Oktober 2006 |
Inkomste | 121,4 miljoen roebel (2013)[1] |
Huidige status | Aktief |
VK (oorspronklik VKontakte; Russies: ВКонта́кте, letterlik "InKontak") is die grootste Europese aanlyn sosialemedia- en netwerkdiens. Dit is in baie tale beskikbaar, maar is veral gewild onder Russiessprekendes. Nes in ander soortgelyke dienste kan gebruikers vir mekaar persoonlike of groepsboodskappe stuur, groepe en openbare geleenthede skep, foto's, klank- en videogrepe deel en blaaiergebaseerde speletjies speel.[2] Dit is in Sint Petersburg, Rusland, gebaseer.
In Januarie 2017 het VK minstens 410 miljoen geregistreerde gebruikers gehad.[3] Dit is in Februarie 2017 gelys as 13de[4] op Alexa se lys van top-500-webtuistes wêreldwyd. Dit is die gewildste webtuiste in Rusland[4] en volgens SimilarWeb die vyfde gewildste webtuiste in die wêreld.[5] Dit was in Oktober 2016 ook die gewildste sosialenetwerkwebtuiste in Belarus, Oekraïne en Kasakstan.
Volgens Alexa was dit in Junie 2014 naas die soekenjin Yandex die mees besoekte webtuiste in Rusland.[6]
© MMXXIII Rich X Search. We shall prevail. All rights reserved. Rich X Search